ਮਾਲੇਰਕੋਟਲਾ ਦੀ ਵਿਦਿਆਰਥਣ ਅਨਮ ਚੌਹਾਨ ਨੇ ਨੈੱਟ ਪੀਖਿਆ ਕੀਤੀ ਪਾਸ

ਮਾਲੇਰਕੋਟਲਾ -31 ਜੂਲਾਈ (ਭੁਪਿੰਦਰ ਗਿੱਲ ) - ਬੀਤੇ ਦਿਨੀਂ  ਯੂਨੀਵਰਸਿਟੀ ਗ੍ਰਾਂਟ ਕਮਿਸ਼ਨ ਵੱਲੋਂ ਲਈ ਗਈ ਨੈੱਟ ਪ੍ਰੀਖਿਆ ਦੇ ਘੋਸ਼ਿਤ ਹੋਏ ਨਤੀਜੇ ਅਨੁਸਾਰ ਸਥਾਨਕ ਵਿਦਿਆਰਥਨ ਅਨਮ ਚੌਹਾਨ ਪੁੱਤਰੀ ਅਤੀਕ ਚੌਹਾਨ/ ਨਾਜ਼ੀਆ ਪਰਵੀਨ ਨੇ ਅੰਗਰੇਜ਼ੀ ਵਿਸ਼ੇ ਨਾਲ ਇਹ ਪ੍ਰੀਖਿਆ ਪਾਸ ਕਰ ਲਈ ਹੈ। ਮਾਲੇਰਕੋਟਲਾ ਦੇ ਪ੍ਰਸਿੱਧ ਸਮਾਜ ਸੇਵੀ ਅਤੇ ਸਾਬਕਾ ਐਮ ਸੀ ਜਨਾਬ ਅਬਦੁਲ ਲਤੀਫ ਚੌਹਾਨ ਮਰਹੂਮ ਦੇ ਪਰਿਵਾਰ ਨਾਲ ਸਬੰਧਤ ਬੇਬੀ ਅਨਮ ਇਸ ਤੋਂ ਪਹਿਲਾਂ ਇੱਕ ਬੈਡਮਿੰਟਨ ਖਿਡਾਰੀ ਵਜੋ ਖੇਡਦਿਆਂ ਵੱਖ ਵੱਖ ਸਮਿਆਂ ਤੇ 8ਵਾਰ ਨੈਸ਼ਨਲ ਓਪਨ ਚੈਂਪੀਅਨ, ਇੱਕ ਵਾਰ ਨੈਸ਼ਨਲ ਸਕੂਲ ਚੈਂਪੀਅਨ ਅਤੇ ਕਈ ਵਾਰ ਪੰਜਾਬ ਚੈਂਪੀਅਨ ਵੀ ਰਹਿ ਚੁੱਕੀ ਹੈ। ਇੱਕ ਮੁਲਾਕਾਤ ਦੌਰਾਨ ਗੱਲਬਾਤ ਕਰਦਿਆਂ ਉਹਨਾਂ ਦੱਸਿਆ ਕਿ ਉਹ ਭਵਿੱਖ ਵਿਚ ਕਿਸੇ ਨਾਮੀ ਯੂਨੀਵਰਸਿਟੀ ਜਾ ਕੇ ਆਪਣਾ ਰਿਸਰਚ ਵਰਕ ਕਰਨਾ ਚਾਹੁੰਦੇ ਹਨ।